Nagpulong sanday Ralph Recto kag Jinq Quan agud talakayon ang kabug-usan nga koneksyon sang Pilipinas kag China.
Ginpabutyag sang Embahador ang pagbalik sang mga diyalogo agud mapabakod ang bilateral relations sang duha ka pungsod.
Nagpahayag man siya sang paglaum nga madugangan pa ang mga pagbisita subong nga tuig bilang positibo nga senyales sa relasyon sang Manila kag Beijing.
Lakip sa gin-istoryahan ang pagpalig-on sang turismo, people-to-people exchanges, kag pagdugang sang mga direct flights sa tunga sang mga siyudad sa Pilipinas kag China.
Gintalakay man ang kooperasyon batok sa transnational crime, relasyon pang-ekonomiya, kag ang kahimtangan sang enerhiya sa rehiyon.
Bilang preparasyon sa palaabuton, naistoryahan man ang pagpanguna sang Pilipinas sa ASEAN kag ang pagdumala sang China sa APEC sa 2026, kun sa diin nagpahayag sang suporta ang duha ka pungsod para sa kalampusan sini.
Nagtambong man sa pulong sanday Maria Luwalhati Dorotan Tiuseco, Facundo Palafox IV, kag Erwin Sta. Ana halin sa Office of the Executive Secretary kag lakip man sanday Maria Andrelita Austria kag Princess Tomas sang Department of Foreign Affairs.
