Hinimok ni Pope Leo XIV ang mga Katoliko na huwag maging manhid o paralisado sa takot, sa gitna ng mga nagpapatuloy na digmaan sa iba’t ibang panig ng mundo. Sa halip, binigyan niya ng diin na magsumikap tayo para sa kapayapaan.
Sa kanyang Easter Vigil Mass homily sa St. Peter’s Basilica nitong Sabado ng gabi, itinala ng Santo Papa ang panganib ng lumalalang kawalan ng tiwala na sumisira sa ugnayan ng mga bansa.
Ayon kay Pope Leo, huwag nating hayaan na maparalisa tayo ng takot at kawalan ng tiwala. Binanggit niya na ang mga isyung tulad ng digmaan, kawalan ng katarungan, at ang pagbubukod ng mga tao at bansa ay patuloy na nagpapalala ng ating paghihiwalay.
Bagamat hindi binanggit ni Pope Leo ang anumang partikular na bansa sa kanyang homilya, kilala siya bilang isang vocal na kritiko ng kasalukuyang digmaan sa Iran.
Noong nakaraang Linggo, matapang niyang sinabi na tinatanggihan ng Diyos ang mga panalangin ng mga pinunong nagpapasimula ng gulo at may “mga kamay na puno ng dugo.”
Direktang umapela si Pope Leo kay US President Donald Trump nitong Martes, humihiling ng isang “off-ramp” o paraan upang tuluyan nang wakasan ang labanan.
