Ginsertipikahan ni President Ferdinand Marcos Jr. nga “urgent” ang House Bill 8418, nga nagahatag gahum sa presidente nga suspendihon ukon buhinan ang excise tax sa mga produktong petrolyo sa tunga sang economic emergencies sa nasud o kalibutan.
Ginpirmahan ang sulat nga nagahatag importansya sa hagna ni President Marcos Jr., Executive Secretary Ralph Recto, kag House Speaker Bojie Dy III, nga nagatuyo sa pagbaton aksyon batuk sa nagataas nga presyo sang gatong nga apektado sang tensyon sa Middle East.
Nakapasar na ang House Bill 8418 sa ikaduha nga pagbasa sa Kamara, kag ginalauman nga mapasar sa ikatlo nga pagbasa sa masunod nga semana.
Ang hagna ini nagahatag suporta sa pagpanikasog sang gobyerno agud mahagan-hagan ang epekto sang pagtaas sang presyo sang petrolyo.
