Nagpanawagan si President Ferdinand Marcos Jr. sang restraint sa mga partido nga apektado sang padayon nga tensyon sa Middle East.
Nagalaum ang Presidente nga sa madali nga panahon, matapos magtakop na ang kinagamo sa tunga sang Amerika, Israel, kag Iran.
Ginpaklaro man ni Marcos nga wala sang involvement ang Pilipinas sa kasamtangan nga tensyon kag wala ini sang bahin sa bisan ano nga panig.
Ginpahayag sang Presidente nga apang luyag sang Pilipinas nga magtakop na ang kinagamo, ang mga direkta nga imbolbado lamang ang may otoridad nga magpanawagan sang tigil-putukan.
Sa pihak nga bahin, padayon nga nagapakig-angot ang pungsod sa iban pa nga mga lider sa kalibutan agud magpangayo sang bulig agud matutukan ang kaluwasan sang mga Pilipino sa mga apektado nga pungsod.
