Narekober sang mga diver sang Philippine Coast Guard ang tatlo pa ka patay nga lawas halin sa nag lugdagn nga MV Trisha Kerstin 3 sa kadagatan malapit sa Baluk-Baluk Island sang Domingo, Pebrero 15, 2026.
Bangud sini, nagdangat na sa 57 ang numero sang mga napatay, samtang 293 ang naluwas kag 22 pa ang ginapangita.
Suno sa PCG, ang opisyal nga numero ang naghalin sa koordinasyon sang Philippine National Police–SOCO, CDRRMO, Coast Guard District Southwestern Mindanao, kag mga pamilya sang mga biktima.
Samtang, nagpasaka na sang kaso ang Department of Transportation batok sa tatlo ka opisyal sang Maritime Industry Authority may kaangtanan sa pag-isyu sang safety certificates sang barko.
Isa sa ginatan-aw nga kabangdanan sang insidente amo ang posible nga sobra sa kapasidad ang sakay.
Ginapreparar man ang pagkanselar sang Certificate of Public Convenience sang Aleson Shipping Lines, nga sa subong ginpasuspender anay ang operasyon samtang nagapadayon ang imbestigasyon.
