Ginpakigbahin sang vlogger nga si Deo Jarito Balbuena ukon Diwata nga naarestar siya bangud sa ginatawag nga “non-compliance” may kaangtanan sa iya pares business.
Ginpahayag sang vlogger sa isa ka video nga may warrant of arrest batok sa iya kag wala siya nakabaton sang bisan ano nga pauna nga pahibalo ukon subpoena.
Suno sa iya, indi siya isa ka dako nga negosyante, kag temporaryo siya nakagwa matapos magbayad sang piyansa nga P60,000 sang 24 ka oras pagkatapos siya naarestar.
Ginpabutyag man ni Diwata ang kasubo sa sistema sa diin iya ginpahayag nga mabudlay mangin Pilipino.
Madumduman nga naarestar man siya sang Abril 2024, bangud sa kaso sang slight physical injuries halin pa sang 2018.
Nagsikat si Diwata bangud sa iya pares business kag sa ulihi nangin kabahin sang cast sang isa ka sikat nga teleserye.
