Ginkumpirmar sang Broadway star nga si Lea Salonga nga dugay na sila nga nagbulagay sang iya bana nga si Robert Chien.
Suno kay Salonga, bisan naglain na ang ila dalan bilang mag-asawa, nagapabilin gihapon ang ila maayo nga relasyon agud masiguro ang kaayuhan sang ila anak nga si Nic Chien, nga isa ka transgender.
Ginpahayag ni Salonga nga ginapadayon nila ang maayos nga komunikasyon kag kooperasyon bilang mga ginikanan, labi na sa paghatag sang suporta kag gugma sa ila anak.
Apisar may bag-o na nga kahigugma si Robert Chien, ginpili ni Salonga nga indi na maghatag sang dugang nga detalye parte sa kabangdanan sang ila pagbulagay, bangud ini isa ka personal nga butang.
Ginpabutyag man sang aktres ang importansya sang pagsuporta sa kabataan, labi na sa mga bata nga nagapahayag sang ila kaugalingon nga identidad.
Gin-ako niya nga may yara gihapon sang pila ka indibidwal kag bisan mga ginikanan nga indi naga-uyon sa mga desisyon nga may kaangtanan sa sexualidad sang bata, apang ginpahayag niya nga ang suporta sang pamilya amo ang pinakanahanglanon.
Madumduman nga ginkasal sanday Lea Salonga kag Robert Chien sang 2004, kag sa sulod sang madugay nga panahon, ginpakita nila ang isa ka relasyon nga ginabase sa respeto kag pagkilala sa isa kag isa, nga subong ginapadayon nila bilang mga ginikanan sang ila anak.
