Madinalag-on nga naarestat sang mga otoridad ang apat ka mga indibidwal makaligad ang isa ka madinalag-on nga buy-bust operation sa bahin sang Barangay Zone 3, Koronadal City.
Ang operasyon ang ginpangunahan sang puwersa sang Koronadal City Police Station, Provincial Drug Enforcement Unit, Provincial Intelligence Unit, 1st South Cotabato Provincial Mobile Force Company ng South Cotabato Police Provincial Office, kaupod man ang Philippine Drug Enforcement Agency Region 12 (PDEA-12).
Ginkilala sang mga otoridad ang mga naarestar nga mga suspek nga sanday “Rey,” 44-anyos ,residente sang Brgy. Concepcion, Koronadal City; alyas “Jan,” 47-anyos nga taga Brgy. Poblacion, Sto. Niño; “Rex,” 44-anyos nga residente sang Brgy. Rizal Poblacion, Banga; kag alyas “Kaloy,” 38-anyos nga residente sang Brgy. Benitez, Banga, South Cotabato.
Nakuha sa posisyon nga mga suspek ang lima (5) ka sachet sang ginapatihan nga shabu nga may kabu-aton nga 50.3 gramo, nga may ginabulubanta nga balor nga ₱340,204.00, lakip man ang ₱500 nga buy-bust money.
Sa kasamtangan, ginsubmiter na ang mga nakumpiskar nga ilegal nga droga sa South Cotabato Provincial Forensic Unit para sa maid-id nga examinasyon.
Ginapreparar na sa subong sang mga otoridad ang nagaka-igo nga kaso batok sa mga suspek sa paglapas sa Sections 5 kag 11, Article II sang Republic Act 9165 o ukon Comprehensive Dangerous Drugs Act of 2002.
