Ginpasa sang Office of Public Counsel for Victims (OPCV) sang International Criminal Court (ICC) ang rekomendasyon sang duha ka eksperto sa neuropsychology nga magahimo sang bag-o nga panel nga maga lantaw sa mental health ni anay Pangulong Rodrigo Duterte agud matumod kon kwalipikado bala ini nga mag-atubang sa pagbista.
Sa ika lima ka nga dokumento nga ginpasa sang Nobyembre 10, 2025, ginsiling ni Paolina Massidda, Principal Counsel sang OPCV, nga ang duha ka ginrekomenda nga maga lantaw kay Duterte may bastante nga credentials kag eksperyensya.
Suno pa sa OPCV, ginpili nila ang mga eksperto base sa ila kwalipikasyon kag abilidad, lakip na ang pagka ka ayo sa ingles kag sa wika kon sa diin nakasulat ang pila ka nauna nga medical findings ni Duterte.
Dugang pa ang ICC sadto nagtalana na sang tatlo ka miyembro nga panel nga ginabug-usan sang isa ka forensic psychiatrist, neuropsychologist, kag eksperto sa geriatric kag behavioral neurology. Apang, ginpangabay sang kampo ni Duterte nga pahalinon ang isa sa mga eksperto bangud kuno sa kakulang sang eksperyensya kag posible nga kawala sang impartiality sini.
