-- ADVERTISEMENT --
Wala sang pagnubo sa pagtaas sang presyo sang gasolina sa masunod nga semana bangud ginapaabot nga liwat ini magasaka. Posible nga magsaka ang presyo sang gasolina sang 40 centavos tubtob 60 centavos kada litro, suno kay Jetti Petroleum president Leo Bellas.
Sa pihak nga bahin, ang presyo sang diesel posible magapabilin sa subong nga lebel o may gamay nga rollback nga 10 centavos kada litro.
Nagsaka man ang presyo sang lana sang nagligad nga semana, nga amo na ang ika-pito nga sunod-sunod nga pagsaka sang diesel kag kerosene.
