Nagapadayon ang imbestigasyon sang mga otoridad angot sa aksidente nga gin-imbolbaran sang isa ka pampasahero ng atricycle kag isa ka indi pa nahibal-an nga sahi SUV sa Purok 1, Barangay Dumadalig, Tantangan, South Cotabato.
Ini ang nangin pahayag ni PMaj. Romeo Albano Jr., hepe sang Tantangan Municipal Police Station sa interview sang bombo radyo Koronadal.
Base sa inisyal nga imbestigasyon pasado alas-8:30 sang aga naside swipe sang SUV ang tricycle nga ginamaneho ni Jeric Albento, 38 anyos, residente sang Barangay Tambak, Lambayong, Sultan Kudarat.
Sakay sini ang iya mga tiyu kag tiya nga sina Edgar kag Juliet Albento, nga lunsay mga residente sang Lambayong Sultan Kudarat.
Suno kay Albano, bangod sa kakusgon sang impact nagtabog ang mga pasahero, sangmtang nadasig man nga nagpalagyo SUV matapos ang insidente.
Gilayon man gindangat Tamondong Hospital sa Tacurong City ang mga biktima, apang gindeklara nga dead on arrival si Juliet Albento, samtang padayon ang pagpaayo sang bana sini kag hinablos.
Dugang ni Albano, ginapatuman nila ang 40 kph speed limit sa Tantangan kag may mga enforcer nga nakabantay agud malikawan ang mga vehicular accidents.
Apang, ginpaklaro sini indi tanan nga dalanon ang sakop sa monitoring, bangod sa mas nakapokus sa pagbantay sa mga buluthuan sang national highway sa diin madamo ang mga estudyante nga agi.
Sa karon, padayon pa nga ginakumpirma sang mga awtoridad ang indentity sang SUV nga imbolbar sa nasambit nga insidente.
Nagpanawagan naman ang bata sang mag-asawa nga Albento sa publiko nga buligan sila matumod ang salakyan kag ang driver agud mapanabat.
Samatang, liwat ginpahinumduman sang pulisya ang mga motorista nga maghalong kag maghinay-hinay sa pagmaneho, ilabi na sa mga lugar nga accident prone area.
