Madinalag-on nga nagsungka sa Armed Forces of the Philippines (AFP) ang walo (8) ka mga katapo sang Bangsamoro Islamic Freedom Fighters (BIFF) sa bahin sang Barangay Kabengi, Datu Saudi Ampatuan.
Suno sa mga militar, tatlo (3) sa walo (8) ka mga nagsungka ang mga ginakabig nga mga eksperto sa paghimo sang mga Improvised Explosive Device (IED) paagi sa electronic blasting devices nga mahimo mapalupok halin sa malayo usar ang cellphone.
Suno kay Major General Donald Gumiran, commander sang 6th Infantry Division, Philippine Army una nga gin-turn over sang grupo ang ila mga matag-as nga kalibre sang armas kag mga home-made bombs sa 90th Infantry.
Ginpaidalom naman ang mga reconciliation program para sa mga anay violent extremists nga pangunahan sang 6th ID Philippine Army, PRO-BAR, kag iban pa ng mga ahensya sang Region 12, kag sang Bangsamoro Regional Government.
