Ginapawala bisa subong sang National Police Commission (NAPOLCOM) ang mga ginpatuman nga pagbag-o sa mga key officials sang Philippine National Police (PNP) matapos ang malapad nga balasahan sa sulod sang organisasyon.
Suno sa ginpagwa nga resolusyon sang NAPOLCOM nga Resolution 2025-0531, ginamando sang komisyon nga ibalik si PLtGen. Jose Melencio Nartatez bilang Deputy Chief for Administration, samtang si PLtGen. Bernard Banac naman ginatasan nga ibalik bilang Commander sang Area Police Command (APC) sa Western Mindanao.
Nakasulat man sa resolusyon nga ang mga mando nga ini yara sa idalum sang Section 6 Article 16 sang 1987 Constitution, nga nagahatag sang otoridad sa NAPOLCOM nga magdumala kag magkontrolar sa Pambansang Pulisya kag magsiguro nga mapabilin ang isa ka matinlo kag matarong nga pwersa sang PNP.
