Ginsiguro ni Assistant Minority Leader kag Akbayan Party-list Representative Chel Diokno nga ila gid pagabusisi-on ang proposed 2026 National Budget.
Suno sa mambabatas, importante ini agud masiguro nga magagamit sa maayo nga mga proyekto kag programa ang buwis sang mga tawo.
Naibaluan nga ang proposal nga pondo para sa masunod nga tuig nagaabot sa ₱6.793 trillion.
Handa na ang mga pamangkot sini para sa lain-lain nga ahensya sang gobyerno agud masiguro ang husto kag tama nga paggasto sang amo nga pondo.
Nag-apelar man si Diokno sa iya mga kapwa mambabatas nga suportahan ang panukalang mandatory nga pagtudlo sang West Philippine Sea sa primarya nga edukasyon, labi na sa mga kabataan.
Paagi sini, magataas ang ila kahibalo parte sa mga teritoryo kag mga katungod sang Pilipinas sa WPS nga padayon nga gina-angkon sang China.
