-- ADVERTISEMENT --
Nakatalana magbiyahe sa Estados Unidos si Pangulong Ferdinand Marcos Jr.
Ginkumpirmar ini ni Presidential Communications Undersecretary Claire Castro nga ang pagbisita himuon halin Hulyo 20 tubtob 22.
Ang nasambit nga pahayag halin sa Malacañang ang nagsunod sa anunsyo man ni US Secretary of State Marco Rubio samtang yara siya sa Kuala Lumpur, Malaysia.
Ginsiling ni Castro nga ginapinal pa nila ang mga detalye kag kon ano ang posible nga istoryahan sang presidente kag ni US President Donald Trump.
Ini ang mangin ika-lima nga pagbisita ni Marcos sa US halin sang nagpanungko siya sang 2022, kag amo man ini ang una nga pagbisita pagkatapos nga napilian liwat si Trump sang nagligad nga tuig.
