Ginaplano sang North Korea nga magpadala sang masobra 30,000 nga mga suldado para magbulig sa Russia sa giyera sini batok sa Ukraine.
Base sa impormasyon halin sa intelligence office sang Ukraine, posible nga maglab-ot ang nasambit nga kadamuon sang mga suldado sa masunod nga bulan.
Sang Nobyembre sang nagligad nga tuig, nagpadala na ang North Korea sang 11,000 ka suldado nga nagbulig sa pagsakop sang Kursk region sa Ukraine.
Sa amo nga insidente, mga 4,000 ka suldado sang North Korea ang napatay.
Dugang pa sang Ukraine Intelligence Agency, may nakita sila nga eroplano sang Russia sa border sang Siberia nga naga-transport sang mga suldado halin sa North Korea.
Tungod sini, padayon ang panawagan ni Ukrainian President Volodymyr Zelensky sa iya mga kaalyado nga mga pungsod nga dapat dugangan pa ang ila suporta militar sa Ukraine.
