-- ADVERTISEMENT --
Tatlo ka lalaki ginbitay sang Iran sang Miyerkules matapos nga ginkasuhan nga may koneksyon sa Mossad, ang spy agency sang Israel, suno sa report sang Mizan.
Base sa report, ang tatlo ginpasibangdan nga nagsulod sang mga kagamitan nga gin-gamit sa pagpatay sang isa ka tawo nga wala ginhingalanan. Wala man ginpahibalo ang dugang nga detalye parte sa biktima ukon sa operasyon.
Madumduman nga may una na nga mga ginbitay nga ginkasuhan nga may koneksyon sa Mossad, lakip na ang mga alegasyon sang pagpatay sa mga nuclear scientist kag ang pagsabotahe sa nuclear program sang nasud.
Tungod sini, nagpa-athag sang kabalak-an ang pila ka human rights groups tungod sa kakulangan sang due process kag transparency sang Iran sa amo nga mga kaso.
