Nagsumiter na ni Senator Imee Marcos sa Office of the Ombudsman ang chairman’s report sang Senate Committee on Foreign Relations.
May kahilabtanan ini sa pagkakaaresto kay anay Presidente Rodrigo Duterte sa The Hague tungod sa kaso nga crime against humanity.
Sa iya sulat kay Ombudsman Samuel Martires, ginpahayag ni Senator Marcos nga sa hearing, napakita ang mga ginhimo sang mga matag-as nga opisyal sang gobyerno.
Ang ila mga aksyon posible nga magresulta sa criminal kag administrative cases.
Gusto ni Senator Marcos nga imbestigahan sang Ombudsman ang mga opisyal nga pareho nila ni Justice Secretary Jesus Crispin “Boying” Remulla, Interior Secretary Juanito Victor “Jonvic” Remulla, PNP chief Police Gen. Rommel Marbil, CIDG chief Police Gen. Nicolas Torre III, kag Special Envoy for Transnational Crimes Markus Lacanilao.
Ginasalig siya nga ang Ombudsman magahimo sang angay nga aksyon batok sa mga responsable.
Madumduman nga si Duterte gin-aresto sang Marso 11 para atubangon ang kaso nga crime against humanity sa International Criminal Court.
