Ginpahayag ni South Cotabato Governor Reynaldo S. Tamayo Jr. sa interbyu sang Bombo Radyo koronadal nga wala sang dapat ikakabala ang publiko sa paglapta sang Mpox sa probinsya, bisan may na-record na nga kumpirmado nga kaso.
Ginpabutyag ni Gov. Tamayo nga padayon ang Provincial Government sa pagpatuman sang public advisories kag panawagan sang pagsunod sa basic respiratory etiquettes agud malikawan ang paglapta sang nasambit nga sakit.
Nagapadayon man ang kampanya sang Provincial Health Office sa pagpahibalo sa publiko parte sa kahalagahan sang husto nga pag-ubo, paggamit sang face mask kon kinahanglanon, kag pag-praktis sang proper hygiene.
Ginpangabay man sang gobernador ang kooperasyon sang tanan sa pagsunod sa health protocols samtang ginatunan sang mga health authorities ang sitwasyon
