Uyat na sa subong sang mga otoridad ang mga suspek sa pagpatay sa isa ka lalaki nga nasapwan nga wala na sang kabuhi sa bahin sang isa ka bakante nga lote sa bahin sang Purok 2, Barangay Poblacion kahapon nga adlaw, Pebrero 25, 2025.
Suno sa pahayag sang Tacurong City PNP, nangin madinalag-on ang ginpatigayon sang mga ini nga hot pursuit operation batok sa duha ka wala na ginpangalanan nga mga suspek nga yara sa likod sa pagpatay sa isa ka lalaki nga taga Brgy Dalican, Datu Odin Sinsuat, Maguindanao Del Sur.
Ginkilala namana ng biktima nga si Guiamal Abdul Amad, yara sa wasto nga pangedaron kag residente sang Brgy. Dalican, Datu Odin Sinsuat, Maguindanao Del Norte.
SAmtang ang mga suspek naman sanday alyas “Johndel” 21 anyos, laborer kag residente sang President Quirino, Sultan Kudarat kag alyas “Ashley” 21 anyos, laborer kag residente sang Tacurong City.
Mismo ang mga suspek ang nag-ako sa krimen sa diin nag guwa nga customer sang biktima ang mga suspek sa illigal nga droga bangud masami suno pa nga nagabakal ang mga suspek sa biktima nga isa ma sa mga personalidad nga naga padihot sang illegal nga droga sa lugar.
Suno sa obserbasyon sang kapulisan, may nakita man nga mga dugo sa ulo sang biktima, nga posible nga indikasyon sang naagyan sini nga nagtuga sang kamatayon sang biktima.
Madinalag-on naman nga nadakpan ang mga suspek sa bahin sang Purok Sta. Theresa, Brgy. Calean, Tacurong City sa diin nakuhaan pa sang mga ginapatihan nga drug paraphernalia sa posisyon sang mga ini.
Personal grudge ukon kaangot sa iligal nga droga naman ang nakita nga motibo sang kapulisan sa nasambit nga krimen.
