Naglab-ot sa 30 katawo ang napatay sa nahitabo nga stampete sa Kumbh Mela festival sa India.
Wala man nagapanaog sa 60 ang katawo nga napilasan sa insidente.
Suno sa mga opisyal nga wala nagapanaog sa 100 milyong katwao ang nagtambong sa kag naligo sa Hindu religious festival.
Sa inisyal nga imbestigasyon sang mga otoridad ginguba sang pila ka mga tawo ang nakabalabag nga barrier agud makaligo sa ilog.
Nagpaabot man sang pakikiramay si Indian Prime Minister Narendra Modi sa mga pamilya sang mga napatay nga biktima.
Sang amo nga festival ginakabig nga pinakamalapad kag pinakamatawhay nga aktibidad kada tuig.
Sa masobara anom ka semana, nag-abot na sa 400 milyones ka tawo ang nagtambong sa Maha Kumbh Mela ukon festival of Sacred Pitcher sa kilid sang Prayagraj.
Ginpanindugan naman sang mga kapulisan nga wala sila nagkulang sa paghatag sang seguridad kay nagbutang man sila sang mga security camera sa lugar.
