Mga ka-bombo gaano ka ba ka desidido para mag bag-o?
Basi kun mabasa niyo ini, ma-inspire man kamo.
Isa ka lalaki sa Turkey sang tuig 2013, 26 years na ini naga sigarilyo.
Siya si Ibrahim Yucel, sang 2013 nag desisyon ini nga mag untat sa iya nga bisyo.
Suno saiya, sa isa ka adlaw makaubos siya sang duha ka kaha sang paborito niya nga brand sang sigarilyo.
Nakapila na suno pa nga naga tinguha ini nga mag untat sa iya bisyo apang, hindi niya mapunggan kag naga isip ini ngaa hindi dali dali nga mag untat mag sigarilyo, amo nakaisip siya sang paraan.
Naghimo siya sang head cage gamit ang copper wire kag gin lock sini ang ulo agud hindi na ini makapanigarilyo.
Ginhatag sini ang susi sa iya nga asawa kag bata agud hindi siya mapilitan nga buksan kung gusto ini mag sigarilyo.
Naga gamit lamang ini sang manipis nga straw agud makainom sang tubig kag gina pilit isulod ang crackers agud makakaon.
Suno sini, determinado si Ibrahim nga mag bag-o nga maskin pag gwa suksok sini gihapon ang copper head cage.
Sa karon, nauntat na ang iya nga bisyo kag nagapangabuhi nga may ara sang dedikasyon sa ikaayong lawas.
