May plano suno pa ang incoming administration ni US President-elect Donald Trump nga maglunsad sang malapad nga immigration raid sa Chicago sa isa ka adlaw matapos siya magapungko sa puwesto, base sa apat ka opisyal nga pamilyar sa nasambit nga plano.
Ginalauman nga ang raid magsugod sa Martes, Enero 21, kag magapadayon sa sulod sang isa ka semana. Sandig sa report, magapadala ang US Immigration and Customs Enforcement (ICE) sang 100 tubtob 200 ka opisyal agud isagawa ang operasyon.
Wala pa sang opisyal nga pahayag ang transition team ni Trump bahin sa nasambit nga isyu, pero suno sa isa ka source nga may nahibal-an sa plano sang incoming administration, magahugot ang enforcement sa bug-os nga Amerika.
Ginpahayag nga indi lang ini sa Chicago kag indi man magapadala sang madamo nga personnel sa amo nga syudad sa Illinois.
