Duha ka mga suspek sa droga ang nadakpan kag Php1,115,812 nga balor sang iligal nga droga ang nakumpiska matapos ang madinalag-on nga buy-bust operation nga ginpatigayon sa Purok Waya-waya, Brgy San Emmanuel, Tacurong City, Sultan Kudarat sang Enero 14, 2025.
Sa pagpanguna ni PBGEN ARNOLD P ARDIENTE, Acting Regional Director, ang mga tauhan sang Tacurong CPS upod ang Sultan Kudarat Provincial Drug Enforcement Unit/Provincial Intelligence Unit, 1st SKPMFC kag PDEA-Sultan Kudarat Police Office nagdakop kay alyas “Tomboy Esmael”, 31 anyos kag residente sang Brgy. Dinaig, Datu Odin Sinsuat, Maguindanao Del Sur; kag kay alyas “Pongs”, 23 anyos, kag residente sang Purok Ilang-Ilang, Brgy. Buenaflor, Tacurong City.
Pareho nga mga nadakpan nga suspek ang nakalista bilang High Value Individual sang PDEA 12.’
Nakumpiska sa ila -iya ang isa (1) ka piraso nga dako nga heat-sealed transparent plastic sachet nga nagsulud sang puti nga kristal nga substansiya nga ginapanginwalaan nga shabu nga may kabug-aton nga 9.56 gramos nga nagabalor sang Php65,000.00; kag tatlo (3) kaa dako nga heat-sealed transparent plastic sachets nga nagsulud sang amo man nga substansiya nga may kabug-aton nga 154 gramos nga may Standard Drug Price nga Php1,050,804.00.
Ang mga nadakpan nga supek kag ang mga nakumpiska nga ebidensya ang yara na sa kustodiya sang Tacurong CPS para sa nagakaigo nga disposisyon.
