Padayon ang pagpangasubo kag pakig-unong matapos sang pagkamatay sang atleta nga si Mervin Guarte.
Si Guarte ginbuno samtang nagakatulog sa balay sang iya abyan sa Calapan City, Oriental Mindoro sang Martes sang kaagahon.
Ginpangunahan sang Philippine Sports Commission nga nagpaabot sang pagpakig-angot sa pamilya ni Guarte, kun sa diin ila ginadumdom ang iya kadalag-an kag ginadayaw ang iya abilidad sa sports
Bisan ang Two-time Olympian kag pole vault star nga si EJ Obiena, emosyonal matapos nga mahibal-an ang nahitabo sa iya ginakonsiderar nga abyan.
Ang 33-anyos nga si Guarte nakakuha sang duha ka bulawan nga medalya sa obstacle course racing sa Southeast Asian Games sang 2019.
Una diri, nagpaabot sang pagpakig-angot ang Philippine Air Force kay Guarte nga isa ka Airman First Class nga kasali sa PAF pinaagi sa direct enlistment sang 2015 kag gin-assign sa Lipa, Batangas.
Padayon sa gihapon ang pakig angot sa mgan otoridad pati na man ang PAF sa Calapan City Police para sa imbestigasyon.
