Nagalab-ot sa 11,254 foreign nationals nga may kaangtanan sa iligal nga Philippine offshore gaming operators (POGO) operations ang natalana nga ipa-deport, suno sa Bureau of Immigration (BI).
Nahibaluan nga naglab-ot na sa 22,609 ang nagbiya sa pungsod antis pa ang gintalana nga plaso sang Disyembre 31.
Suno kay Immigration Commissioner Joel Anthony Viado, sa 33,863 nga empleyado sang POGO sa idalum sang PAGCOR, 24,779 ang na-downgrade ang visa.
Dugang pa ni Viado, obligado ang mga kumpaniya nga i-surrender ang ila POGO worker nga nagapabilin sa gihapon sa Pilipinas. Sa tiun naman nga taguon sang mga ini ang nabilin nga mga empleyado, mahimo kasuhan ang mga ini sa pagtago sang illegal alien.
Lauman suno sa opisyal ang intensified manhunt sa illegal aliens.
