-- ADVERTISEMENT --
Ginkadismaya ni Senadora Pia Cayetano ang madako nga pagbuhin sa panukalang pondo sang Department of Health kag Department of Education para sa 2025.
Nagnaog sang P25.80 billion ang pondo sang DOH samtang P11.57 billion ang sa Deped.
Suno kay Cayetano, bangod sa ginhimo nga pagbuhin sa pondo sektor sang edukasyon kag ikaayong lawas nagwa nga indi prayoridad ang mga ini nga isa sa pinakadako nga problema sang pamilya Pilipino.
Direkta nga apektado sa pagbuhin sang milyun-milyon ang Pilipino nga nabudlayan nga may mapakaon sa ila pamilya kag madala sa eskwelahan ang mga bata sini.
Dugang sang senadora, kinanglan nga iprayoridad sang gobyerno ang edukasyon kag ikaayong lawas kung gusto sini maghimo sang manami nga future.
