Gindala sa ospital ang aktres kag businesswoman nga si Neri Naig-Miranda agud magpaidalom sa medical evaluation matapos nag-apela ang iya abogado sa Bureau of Jail Management and Penology (BJMP) nga idala ini sa ospital.
Pa-athag ni BJMP Spokesperson Supt. Jayrex Bustinera nga ginbalhin si Naig sa ospital pasado 8:00pm sang gabi sang Biyernes, Nobyembre 29.
Ini ang alinsunod sa nagin direktiba sang RTC Branch 112 nga dason dal-on sa ospital ang aktres sa pinakalapit nga ospital.
Dugang pa sini ni Bustinera, suno sa naging court order indi pwede magdugay sa balay bulungan ang aktres sang masobra lima ka adlaw.
Kinanglan nga ibalik sa pasilidad sang Pasay City Jail si Naig pagkaligad sang lima ka adlaw sini sa ospital kag kung wala man makita sang ikabalaka sa nasambit nga ikaayong lawas.
Sa karon, wala man sang ginabatyag nga health concern ang aktres.
