-- ADVERTISEMENT --
Ginkumpirma sang Department of Health nga nagnaog ang numero sang mga natalana nga nagakapatay bangod sa kaso sang leptospirosis.
Sa piyak sini nagsaka ang numero sang nasambit nga sakit.
Base sa datos sang ahensya, nagalab-ot sa kabug-usan nga 7,234 nga kaso sang leptospirosis ang natala sang karon halin Nobyembre 23, 2024.
Ini ang katumbas sang 19% nga pagsaka sa kaso sang nasambit nga sakit sa pareho nga bulan sang nagligad nga tuig sang 2023.
Ang Fatality Rate nga 9.12% nga nagnaog kumpara sa natala sa rate sang 2023 nga naglab-ot sa 10.83%.
Suno sa ahensya, ang tama nga paggamit sang prophylaxis kag mas aga nga kunsultasyon sa doctor ang pipila sa mga rason kung ngaa nanaog ang numero sang nagakamatay.
