Gintugyan sang Office of the President ang P50 milyon sa gobyerno probinsiyal sang Nueva Vizcaya agud mabuligan ang pagbangon sini kasunod sang pagsalakay sang Super Typhoon Pepito.
Ginpangunahan ni Presidente Ferdinand “Bongbong” Marcos Jr ang pagpanagtag sang bulig sa iya pagbisita sa Bambang, Biyernes sang aga, Nobyembre 22.
Ginpasiguro man ni Marcos sa mga apektado nga pumuluyo, nga padayon nga i-assess sang mga lokal nga opisyal kun sin-o sa ila ang nagakinahanglan pa sang bulig halin sa gobyerno.
Magluwas sa cash aid , nagbaton man sang P5,000 nga monetary assistance ang mga benepisyaryo sa idalom sang Assistance to Individuals in Crisis Situation (AICS) Program.
Una na nga ginpahayag nga pito ka tawo lakip na ang 8 ka tuig nga bata ang napatay sa natabo nga landslide sa Ambaguio, Nueva Vizcaya sa tunga sang pagsalakay sang Pepito.
