KORONADAL CITY – Naga kaangay nga may ara sang self suffiency ang pilipinas sa bugas kag indi magsalig sang import nga halin sa iban nga pungsod agud nga maka tibaw-as ang mga mangunguma.
Ini ang ginpahayag ni Mr. Leo Fuentes, Regional Coordinator sang MASIPAG Mindanao sa interview sang Bombo Radyo.
Kasunod sang pagapruba sang Senado sang bicameral conference committee report angot sa amyenda sa Rice Tariffication Law (RTL).
Sa idalom sang reconciled version sang Senate bill 2779 kag House bill 10381, nga tuyo amyendahan ang probisyon nga Rice Competitiveness Enhancement Fund (RCEF) sa pamaagi nga pagpalawig tubtob 2031 kag pagsaka sang appropriations sa P30 billion halin sa P10 billion.
Madako ang porsyento sang pondo diri nga nagabalor sang P9 billion ang nagkadto sa rice farm machineries kag equipment.
Nahimo ang Rice Competitiveness Enhancement Fund sa pamaagi sang Rice Tariffication Law.
Agod nga masiguro ang mga mangunguma ang direkta nga makabenepisyo sa liberalisasyon sang rice trading..
Sa idalom sang ginsambit nga balaod, magahimo sang Program Management Office agod masundan ang RCEP kag ang National Rice Program.
Ginatuyo sini ang pabaskugon ang Bureau of Plant Industry Regulatory Functions sang Department of Agriculture kabilang ang registration kag basehan sang data sang tanan nga mga grains warehouses.
Sa idalom sang SB 2779, ang DA ang mag-import kun wala sang available nga locally produced rice kag ini ang magatala sang importing authority, bukod sa National Food Authority. Ang mga nakolekta sa pagbaligya ang igabalik sa buffer fund.
