KORONADAL CITY – Padayon ang panawagan sa subong sang pamunuan Philippine Red Cross South Cotabato chapter sa tanan nga mga luyag mangin blood Donors nga magpartisipar subong sa Dugong Bombo 2024.
Sa interview sang Bombo radyo Koronadal kay Stella Dolendres, RMT Quality Assurance Officer, Philippine Red Cross South Cotabato ginpahayag sini nga dako ang mabulig sang isa ka tawo sa isig katawo sa tion nga magdonar ini sang iya hamili nga dugo sa diin makabenepisyo indi lang ang ginatughungan sang dugo kundi pati man ang naga donar sang ila dugo.
Suno saiya, ang pag donar sang dugo isa ka change oil mechanisms kung sa diin makaiwas sa mga health issues kag mga sakit.
Dugang pa niya, nagakulang gihapon ang suplay sang dugo ilabi an sa mga lean months kag wala na sang bayaran nga processing fee sa pag kuha sang dugo.
Iya man gin han-ay kung ano una nga buluhaton sa pag pakuha sang dugo kung sa diin una sini ang, mag pre-screening kalakip sini ang monitoring sang blood pressure agud ma chekyar ang kalidad sang dugo.
Nagpasalamat man ini sa bombo Radyo Koronadal sa inisyatibo nga nabulig sini sa ila nga pamunuan agud nga makatigom sang bastante nga supply sang dugo para sa mga naga kinahanglan nga mga persona
