Ginaekspektar sang Department of Social Welfare and Development nga yara sa 500,000 ka 4Ps household beneficiaries ang magatapos sa programa sa katapusan sang tuig 2024.
Suno kay 4Ps Social Marketing Division Chief Marie Grace Ponce, ini nga mga beneficiaries, nakit-an nga maka kaya sang self-sufficiency ukon may yara na sang kapasidad nga magpangita sang ila nga kinahanglanon sa pang adlaw adlaw kalakip na ang pagpaskwela sa ila kabataan apisar sa tunga sang krisis.
Kaangot sini, liwat gin-athag ni Ponce nga sandig sa Republic Act 11310 ukon 4Ps Act nga magahatag lamang ang ahensya sang assistance para lang sa mga low-income households tubtob 7 ka tuig, ini bangud ang assistance magabulig sa ila nga magapangita sang paraan nga magpreparar sang ila nga pangabuhian.
