Ginpanindugan sang Commission on Elections (Comelec) nga may motu propio power ang poll body sa pagkanselar sang certificate of candidacy (COC) sang mga aspirante sa 2025 midterm elections.
Kasunod in isa ginhimo nga pag usisa sang Comelec law department sa listahan sang mga magapapili nga kandidato sa nagkalain-lain nga posisyon nga may silot nagikan sa Office of the Ombudsman nga perpetual disqualification sa pag-uyat sang ano man nga posisyon sa gobyerno.
Suno kay Comelec chairman George Erwin Garcia, may listahan ang law department sang mga magapakandidato nga may penalidad nga perpetual disqualification nagikan sa Ombudsman.
Apan sa tiun makakuha sang temporary restraining order nagikan sa Court of Appeals, mahimo ini mabalabagan.
Ginkumpirmar man sang opisyal nga may lima na ka petisyon nga nabaton ang Comelec angut sa ginaduso nga ikanselar nga COC sang pila ka nagapapili sa lokal nga posisyon.
