Natalana nga i-sumiter sang Philippine National Police (PNP) ang official medical findings ni Kingdom of Jesus Christ (KOJC) leader Apollo Quiboloy sa Pasig Regional Trial Court.
Ini nkasunod sang mosyon nga ginhimo sang kampo sang pastor sa Pasig City Regional Trial Court (RTC) Branch 159 para sa hospital arrest ni Quiboloy kag sang kaupod sini nga akusado nga si Ingrid Canada sa Davao City.
Bangud sini, gin-require sang judge ang PNP pangunahan ang medical checkup ni Quiboloy kaupod ang mga doktor sang gobyerno.
Suno kay PNP spokesperson Police Colonel Jean Fajardo, nakadepende sa Pasig Regional Trial Court (RTC) Branch 159 nga magdesisyon kun maga-base ang ila nga desisyon sa findings sang doktor gikan sa PNP General Hospital ukon sa kinahanglan pa nga magpatigayon sang hearing.
Gindugang pa ni Fajardo nga respetuhon sang PNP kag maga-sunod ini sa desisyon sang korte.
Samtang, ginpahayag pa sang opisyal nga maayo ang medical condition ni Quiboloy base sa daily assessment sang mga nurses sa PNP Custodial Center sa Camp Crame kun sa diin ini na-detain
