Napaslawan nga magtambong sa hearing sang House of Representratives si retired police colonel Royina Garma bangud ginapahayag nga nagasuprer sang pagpalanakit sang li-og kag dulunggan.
Ginpahayag ni Antipolo Representative Romeo Acop nga si Garma ang dapat nga i-refer sa isa ka government hospital bilang kabahin sang protocol sa House committee hearings.
Bilang sabat, ginmandu ni House dangerous drugs panel chairperson Surigao del Norte Representative Robert Ace Barbers sa medical team nga dal-on si Garma sa isa ka government hospital.
Sang Setyembre 12, gin-contempt sang Quadcom si Garma matapos napaslawan ini nga maghatag sang categorical answer sa mga pamangkot sa kun ngaa may malapit ini nga relasyon kay Duterte.
Ginbuyagyag ni Davao Prison and Penal Farm head Gerardo Padilla sa mga mamalidha nga ginmandu ni Garma pinaagi sa phone call nga indi sia maghilabot sa operasyon batuk sa tatlo ka Chinese inmates nga convicted sang drug offenses.
Ini ang ginpanginwala ni Garma.
