Nagalab-ot na sa halos tunga sa milyon ka pesos ang balor sang nadag-an sa raffle kag promo sang isa ka lalaki ilabi na sa mga Christmas party.
Sa isa ka TV show, na feature si Romel Romelo kun sa diin iya ginpahayag nga grade 5 palang ini sang nagsugod ang iya swerte sa mga promo.
Pinakauna sadtong ginsugo ini sang iya iloy nga magbakal sang langgaw sa tiyangge apang ginhimo niya nga pantaya sa patayaan ang kwarta kag nakadaog ini sang P1,200.
Sang nagdugay, nakadaog na ini sa raffle sang mga gamit kapareho sang motorsiklo nga nagabalor sang P41,000, gas range nga P12,000, ipad nga P37,000, water dispenser nga tig P9,000, one year supplies sang groceries, P100,000 cash prize sa isa ka promo sa TV, kag iban pa.
Suno kay Romel, sa tanan nga raffle kag pa-promo nga iya gin-intrahan, wala gid ini na-zero.
