KORONADAL CITY – May natumod na nga persons of interest ang kapulisan sa banwa sang Polomolok labi na sa riding in tandem nga nagluthang-patay sa isa ka lalaki sa bahin sang Purok Maria Rosa Village, Brgy. Poblacion, Polomolok, South Cotabato.
Ginkilala sang mga otoridad ang biktima nga si Dexter Ramos, 19 anyos, residente sang Purok Manatad, sang nasambit nga barangay.
Sa interview sang Bombo Radyo Koronadal kay Police LtCol Peter Pinalgan Jr., hepe sang Polomolok PNP, ginakumpleto na nila ang mga ebendensya agud mapasaka na ang nagakaigo nga kaso batok sa mga suspek.
Dugang ni Pinalgan nga yara sa 2 ang persons of interest sa pagluthang kay Dexter Ramos.
Sa dugang man nga impormasyon ginalantaw sang kapulisan nga personal grudge ang motibo sa pangluthang bangod ang live-in partner sang biktima ang may yara sang anay nga bana.
