Naglab-ot na sa 20 ang numero sang mga napatay nga indibidwal sa pagpanalasa sang mga naglabay nga bagyo nga Ferdie kag Gener nga ginpabaskog pa sang hangin nga habagat sa Pilipinas.
Sandig sa datos sang National Disaster Risk Reduction and Management Council (NDRRMC), ang 9 sa nareport nga patay ang nagikan sa Mimaropa, tag-4 sa Western Visayas kag Bangsamoro Autonomous Region in Muslim Mindanao, 2 sa Zamboanga Peninsula kag 1 sa Central Visayas.
Apang, gin-athag man sang ahensiya nga ginpaidalom pa sa validation ang mga nareport nga patay sang naglabay nga mga bagyo.
Magluwas diri, may 14 ka tawo man nga nareport nga missiing kag kasamtangan nga ginapangita samtang onse diri ang pilason bangud sa epkto sang mga kalamidad.
Sa subong, suno sa ahensiya, kabug-usan nga 500,000 katawo ukon masobra 150,000 pamilya ang apektado sang malain nga panahon sa Cagayan Valley, Mimaropa, Bicol, Western Visayas, Central Visayas, Zamboanga Peninsula, Davao Region, Soccsksargen, Caraga, Bangsamoro, kag Cordillera.
May masobra 16,000 pamilya ang nagbakwit man padulong sa mga evacuation center samtang may masobra 8,000 pamilya naman ang nagbakwit temporary sa iban nga mga lugar.
Kaangot sini, nagpanagtag naman ang gobyerno sang kabug-usan nga P15 million nga kantidad sanng relief assistance para sa mga gindalasa sangn kalamidad.
