Ginpanindugan ni anay presidential spokesperson Harry Roque nga indi ini magpa-aresto sa quad committee sang Kamara nga nagapatigayon sang imbestigasyon angut sa iligal nga operasyon sang Philippine Offshore Gaming Operators (POGO).
Suno sa abogado, nahibaluan sini nga mag “contempt power” ang Kongreso, apang indi ini dapat paggamiton agud pinahan ang isa ka resource person.
Ginpanindugan man sini nga wala sang labot ang iya statement of assets liabilities and net worth (SALN) sa imbestigasyon angut sa POGO. Sa tiun may indi mapaathag ini nga manggad, mas maayo nga pasakaan na lang siya sang kaso.
Gindugang pa ni Roque nga indi sini pag-isungka ang iya kahilwayan sa Kongreso.
Samtang, wala pa sang reaksyon angut diri ang mga mamalidha nga miyembro sang quad committee nga nagapa-aresto sa amo nga abogado.
