Naghiwat sang madako nga swap sang mga preso ang Russia kag Ukraine sa tunga sang nagakatabo nga territorial wars sang duha ka pungsod.
Nasa 206 ka mga preso ang na-swap kag ini ang ikaduha nga beses sa sulod lang sang duha ka adlaw.
Ang pagbinaylo sang mga preso natabo tungod sa bulig sang United Arab Emirates nga nag-negosasyon sa Russia para makuha sang Ukraine ang ila mga militar nga nadakpan sa nagluntad nga pag-atake sang Russia sa border sang Kyiv sang Hulyo sini nga tuig.
Sa isa ka mensahe, ginpamatud-an ni Ukraine President Volodymyr Zelensky ang balita kag nagsiling, “our people are home.”
Kasunod sini, ginsiling man ni Zelensky nga madinalag-on kag luwas nila nga naibalik sa Ukraine ang mga ini.
Sa pihak, ang mga residente nagasaulog sa pagbabalik sang ila mga kababayan.
Nag-post man ang Presidente sang mga laragway nga ang mga ini nagasuksok sang sagisag sang Ukraine samtang nagyayakapay sa kalipay.
