-- ADVERTISEMENT --
Naglab-ot sa $327 million ang natipon ni anay United States President Donald Trump para sa presidential campaign sini.
Sang tinalikdan nga bulan sang Hulyo, $138.7 million ang natipon ni Trump, mas mataas sang 24% ikumparar sa $111.8 million nga natipon sini sang Hunyo.
Ang napaslawan nga tuyo pagpatay sa anay presidente ang isa sa mga ginalantaw nga rasun sa pagtaas sang nabaton sini nga mga donasyon para sa iya kandidatura.
Talalupangdon nga mas mataas na ang natipon nga pundo ni Trump ikumparar kay U.S President Joe Biden nga una na nagdesisyon magpaiway sa pagpapili kag ginhatagan ligwa si Vice President Kamala Harris nga amo ang makasumpong ni Trump.
