May yara ka bala sang suplado ukon suplada kag insultador nga abyan? Palanggaa ang mga kapareho nila bangud nagagaguwa sa pagtuon nga ang pag-angkon sang “meanest friend” ang may maayo nga benepisyo sa isa ka tawo.
Sa pagtuon nga ginhimo ni Belen Lopez-Perez sang University of Plymooth, nagapati ang iban nga tawo nga ang mga barkada nga mahilig manghusgar nga posible mo ikaugot, ang makabulig agud ikaw ang mangin maisog kag gusto man nila sini sang “best thing” para sa imo.
Suno pa sa mga eksperto, ang mga insultador nga abyan ang masaligan kag wala nagapangbiya sa oras sang problema.
Sandig sa survey nga ginhimo ni Perez, mayoriya sang mga respondents ang naghambal nga mas masaligan ang “mean friends” nila sa oras sang pagkinahanglan.
Gani suno sa mga eksperto, kun may kasubong ka nga mga barkada, hatagi sila sang importansya bangud sila ang matuod-tuod nga abyan.
