5 patay sa pagbunggo-anay sang tren kag bus sa Slovakia

Patay ang lima ka tawo matapos ang pagbungo-anay sang tren kag bus sa Nové Zámky sa southern Slovakia.

Suno sa otoridad, lunsay pasahero sang bus ang mga napatay samtang wala naman sang napilasan nga pasahero sang Euro City train.

Samtang, ginpadangat naman ang lima ka iban pa matapos nakaagom sang pilas sa magkatuhay nga parte sang ila nga lawas.

Nahibaluan nga gikan sa Prague, Czech Republic ang tren kag padulong kuntani sa Budapest, Hungary sang natabo ang insidente.

Sa karon padayon pa ginaimbestigaran sang mga otoridad ang gintunaan sang nasambit nga aksidente.