Ginabasol sang Department of Justice si Pastor Apollo Quiboloy sa natabo nga pagsserbe sang Philippine National Police sang search warrant sa Kingdom of Jesus Christ (KOJC) compound.
Kun madumduman, may nagluntad nga kinagamo kag tensyon sang ginpunggan sang mga miyembro sang KOJC ang mga pulis sa pagsulod agud e-serbe ang search warrant sa syudad sang Davao.
Suno kay Justice Undersecretary Raul Vasquez, ginhimo lamang sang PNP ang ila nga trabaho agud ipatuman kag sundon ang layi.
Suno sa ahensya, kun nagsungka lamang si Quiboloy, wala na naglab-ot pa sa kalakasan ang natabo.
Una na nga gin-insister sang PNP nga lehitimo ang ila operasyon kag pagserbe sang warrant kay Pastor.
Nag-apela man ang DOJ kay Pastor nga magsungka na kag atubangon ang iya mga kaso sa korte.
