Nadala na pauli sa India ang mga lawas sang 45 ka Indian nationals nga napatay sa sunog sa isa ka residential building sa Mangaf city, Kuwait.
Una nga ginpahayag sang Kuwaiti authorities nga may 50 ka tawo nga napatay sa sunog, diin 45 sini gikan sa India, 3 gikan sa Pilipinas samtang 2 pa ang wala pa nakilala.
Suno kay Indian Minister Kirti Vardhan Singh nga personal nga nagbisita sa Kuwait pagkatapos sang insidente, ginhimo na ang DNA tests agud mahibaluan ang identidad sang mga biktima.
Ang mga nadiskubrihan nga napatay nga Indian national amo ang 23 gikan sa estado sang Kerala, 7 gikan sa Tamil Nadu, 3 gikan sa Andhra Pradesh kag Uttar Pradesh, 2 gikan sa Odisha, kag tag-isa sa Bihar, Punjab, Karnataka, Maharashtra, West Bengal, Jharkhand, kag Haryana.
Suno sa Indian Minister, gin-arrange sang Indian government ang isa ka espesyal nga Air Force flight agud maiuwi ang mga lawas sang ila mga pumanaw nga kaupod. Naglanding ini sa Kochi city sang Kerala kaina sang kaagahon sang Biyernes kag gin-uli dayon sa Delhi.
May dinosena naman nga nadala sa hospital, madamo sa ila mga Indian national nga napilasan.
Sa pihak nga bahin, gin-anunsyar sang mga opisyal nga magahatag sila sang kompensasyon sa pamilya sang mga napatay sa sunog.
