Wala na sang kabuhi ang isa ka babayi sa bahin sang Allah River sakop sang Purok 4, Brgy.New Dumangas sa banwa sang T’Boli South Cotabato.
Ang bangkay sang biktima ang ginkilala sa kay Alyas Ana 15 anyos isa ka estudyante kag residente sang Purok Gloyan, Brgy. Poblacion banwa sang T’Boli South Cotabato.
Sa interbyu sang Bombo Radyo Koronadal kay Police Lt. Col. Verlin Pampolina, Chief of Police sang Tboli PNP nahibaluan nga sakay ang biktima sang isa ka single motor upod sang driver kag isa pa ka angkas sang magtabok ang mga ini sa isa ka Hanging Bridge biyernes sang gab-i dira sa bahin sang Brgy. Halin sa banwa sang Lake Sebu sang matumba ang ginasakyan nila nga single motor kag ginaalegar nga nahulog kag tigayon nga nalumos ang biktima.
Sabado na sang aga sang masapwan ang bangkay ni Alyas Ana sa isa ka suba nga sakop sang Brgy. New Dumangas sa banwa sang T’Boli. Wala naman sang gintan-aw nga foul play ang kamatayon sang nasambit nga biktima.
