KORONADAL CITY – Ginareklamo sa karon sang isa ka criminology student ang grupo sang Barangay Police Action Team ukon BPATs matapos nga ginpulihan suno pa siya sang kulata samtang pauli sa ila puluy-an sa Columbio, Sultan Kudarat.
Sa panaysayon sang biktima nga si Alyas Kloy kloy sa Bombo Radyo Koronadal, magadul-ong lang kuntani siya sang mga bangko kag lamesa apang sang nasugata ang mga BPAT ginsakit siya sang mga ini kag ginpulihan.
Ginsaysay sini nga bangud sa pagpangulata nagdulugo ang dalunggan sini gani nagbato sa mga BPATs.
Bangud sa kadamuon sang mga BPATs nangayo ini sang bulig sa iya mga pakaisa gani nagluntad ang rambol sa ila nga lugar.
Suno pa saiya, nga indi niya hungod nga magbato apang waay na siya mahimo kay ginasakit na siya sang mga BPATs kun sa diin ang isa ka BPAT nga nagkulata sa iya kay yara sa impluwensiya sang makahulubog nga ilimnon kag may dala nga samurai.
Nagpa medical naman ang biktima kag sa karon nagpalanakit ang lawas sini bangud sa natabo kag bangud sa kapigaduhon wala ini sang ibakal sang bulong.
Paathag pa sang biktima nga hindi na ma resolbar sa baranggay ang nasambit nga isyu kag luyag nga ipasaka ini sa mga kapulisan agud ma resolbar kag makuha ang naga ka angay nga hustisya.
Dugang pa sang biktima nga hindi niya bal’an kung ano ang motibo sang BPATs kung ngaa ginkulata ini kay waay man siya sang record sa barangay.
