KORONADAL CITY – Makit-an kag maka-eksperyensya sang tension cracks kung yara kamo sa nabukid nga bahin nga kung sa diin dala sang pagbubo sang mabaskog nga ulan.
Ini ang ginpakigbahin ni Ms. Leah Mae Marie Gegare- Senior Geologist MGB 12 sa eksklusibo nga interbyu sang Bombo Radyo Koronadal.
Suno sa iya, nagasilbi man sa karun nga evacuation center sang 7 nga mga pamilua sa Sitio Campo 3 sa Barangay Danlag, Tampakan, South Cotabato ang kanilang COVID-19 isolation facility sa barangay proper.
Ang nasambit nga mga pamilya amo ang nagbakwit matapos madiskubre ang tension cracks sa nasambit nga lugar.
Ang mga nagbakwit amo ang ginpasugtan man nga magabalik sa ila nga lugar agud nga magasaka kung adlaw.
Dugang pa sini nga may yara mab sang family food packs nga ginahatag ang lokal nga pamahalaan sang Tampakan, Barangay LGU at DSWD.
Ginpakigbahin man sini nga ang paghatag man sang relocation site sa mga evacuees ang nakadepende pa sa resulta sang assessment nga ila nga ginpatigayon.
Ginkumpirma man sini nga may yara sang nadiskubre sang mga tension crack amo ang sa Sitio ng Campo 2.
Suno sa iya, apisar nga wala manmay nakaistar sa lugar nga kung sa diin apektado sang tension cracks madamo sa gihapon nga pamilya ukon 300 ka pamilya ang kinahangan nga magakadto sa malayo nga bahin agud nga makaabot sa baranggay center.
