KORONADAL CITY- Nag abot na sa halos 9,000 na ka mga personnel sang Security Forces ang iga-deploy sa area sang Bangsamoro Autonomous Region of Muslim in Mindanao para nga magbantay sa palaabuton nga election sa Mayo 9.
Sandig sa pahayag ni BARMM Police Director Brig. Gen. Arthur Cabalona maga abot na sa 6,347 ka mga pulis ang nakatana nga igadeploy sa 1,195 polling centers ,120 field offices sang Commission on Elections kag 86 canvassing areas lakip na man ang 119 city kag municipal treasurer’s offices sa diin naka butang ang mga paga gamiton nga mga paraphernalia kag mga ekwipo.
Kalakip man sa security forces ang mga miyembro sang Armed Forces of the Philippines sa diin 2,846 ang iga-deploy sa sulod sang mga probinsya sang Maguindanao, Lanao del Sur, Basilan, Sulut, kag Tawi-Tawi nga bulubantayan man sa subong.
Preparado naman ang 706 Reactionary Standby Support Force 0 RSSF personnel nga nakatana nga iga-deploy sa Lanao del Sur at Maguindanao kag 405 Quick Reactionary Force (QRF) personnel naman ang naka-standby sa tion nga kinahanglan ang ila nga puwersa.
Magluwas pa diri, paga-pasangkarun man sang PNP kag AFP ang mga checkpoints sa ila nga tagsa ka mga lugar agud nga malayo sa pagpanabotahe kag mga kalakasan halin sa mga armado nga mga persona nga plano mag tuga sang kalakasan sa tion sang eleksiyon.
